Onsdag 5. mars vart fylkesmeisterskap i Restaurant og matfag gjennomført på Sandsli vgs. Vinnarane går vidare til Skole-NM arrangert av World Skills.
Dyktige ungdommar konkurrerte i bakarfaget, konditorfaget og kokkfaget. Deltakarane kom frå Førde, Voss, Fitjar og Sandsli vidaregåande skular. Vi gratulerer med førsteplass i kokkfaget, konditorfaget og bakerfaget til Sandsli vgs.
Bildetekst: Deltakarane i fylkesmeisterskap i Restaurant og matfag våren 2025.
Dei unge yrkesutøvarane fekk utdelt oppgåver og jobba roleg og systematisk på kjøkkenet heile dagen og til slutt vart arbeidet vurdert av eit panel på seks dommarar. Kvar deltakar fekk ein individuell tilbakemelding på eige arbeid og råd til korleis dei kan bli enda betre yrkesutøvarar i framtida.
Bildetekst: Dommarpanelet i fylkesmeisterskapet.
Alle deltakarane fekk godord for arbeidet, og ikkje minst honnør for å stille opp i konkurransen. Slik deltaking bidreg til å styrke faga og kvar utøver, meinte dommarane.
Vinnarane i fylkesmeisterskapet går videre til Skole-NM i sine respektive fag, der dei representerer Vestland fylke. Vi heier på elevane våre frå Vestland!